உபுன்டுவில் கிம்ப் (Gimp) நிறுவுவது எப்படி?

கிம்ப், ஏன் உபுன்டுவில் சேர்ந்து வருவதில்லை என்பதை போன பதிவில் பார்த்தோம்.

இப்போது கிம்ப்பை உபுன்டுவில் நிறுவது எப்படி என்று பார்க்கலாம்.

க்னோம் டெஸ்க்டாப்பிலிருந்து Applications > Ubuntu Software Center கிளிக் செய்யவும்.

சாஃப்ட்வேர் சென்டர் விண்டோ திறக்கும். அதன் மேல் வலது பக்கத்தில் இருக்கும் பெட்டியில் gimp என்று டைப் செய்து தேடவும். படத்தில் உள்ளதுபோல் கிம்ப் முதலில் தெரியவரும்.

அதை செலக்ட் செய்து More Info கிளிக் செய்யவும்.

இந்த படத்தில் இருப்பது மாதிரி ஒரு விண்டோ வரும். அதில் Install கிளிக் செய்யவும்.

பாஸ்வேர்டு கேட்கும்.

பாஸ்வேர்ட் கொடுத்தபின் நிறுவல் (Installation)ஆரம்பிக்கும்.

நிறுவிய பிறகு எந்த மெனுவில் கிம்ப் சேர்க்கப்பட்டுள்ளது என்பதை இவ்வாறு காண்பிக்கும்.

Application > Graphics மெனுவிற்கு சென்று கிம்ப் என்ட்ரியை ரைட் கிளிக் செய்து Add this launcher to panel என்று செலக்ட் செய்யவும்.

டெஸ்க்டாப்பின் மேல் பக்கத்தில் இருக்கும் நீள்பட்டையில் (Panel) கிம்ப்பின் Icon சேர்த்துக்கொள்ளப்படும்.

இப்படி செய்தால் Applications மெனுவிற்குள் போகாமல் கிம்ப் ஐகானை பேனலில் கிளிக் செய்து கிம்ப்பை லோடு செய்துகொள்ளலாம்.

கிம்ப்பின் லேட்டஸ்ட் வெர்ஷன் 30 MB-க்கும் குறைவான இடத்தை மட்டுமே எடுத்துக்கொள்கிறது (Help ஃபைல்கள் சேர்க்காமல்).

அடோபி போட்டோஷாப் நிறுவும்போது எவ்வளவு இடத்தை எடுத்துக்கொள்ளும் என்று தெரிந்திருந்தால் சொல்லவும். ஒப்பிட்டுப் பார்த்துக்கொள்ள உதவும்.

இன்றுவரை சுமார் 100 பேர் RSS feed சேர்ந்து இருக்கிறார்கள்.
சுதந்திர மென்பொருட்களின்மீது மக்களின் நம்பிக்கை சிறிதுசிறிதாக வளர்ந்துவருகிறது.

.

உபுன்டு சிடியில் கிம்ப் சேர்ந்து வருவதில்லை. ஏன்?

உபுன்டு 9.10 (2009-ஆவது வருடம், 10-ஆம் மாதம்) வரை கிம்பை உபுன்டுவில் சேர்த்தே கொடுத்தார்கள். ஆனால் உபுன்டு 10.04 (லூசிட் லின்க்ஸ்) முதல் கிம்பை default சிடியுடன் சேர்த்து கொடுப்பதில்லை.

அதற்கு சில காரணங்களை முன்வைத்தார்கள்.

1. போட்டோஷாப் அளவிற்கு அதிக வசதிகளை உள்ளடக்கிய கிம்பை ஏன் உபுன்டு default சிடியில் சேர்த்து கொடுக்கவேண்டும்?

விண்டோசில் இருக்கும் பெயின்ட்பிரஷ் மாதிரி சாதாரணமாக இருந்தால் போதாதா? விண்டோசோடு போட்டோஷாப் சேர்த்து கொடுக்கிறார்களா என்ன? வெறும் பெயின்ட் பிரஷ்தானே சேர்த்து கொடுக்கிறார்கள்.

2. கிம்பின் user interface அவ்வளவு எளிதாக இல்லை.

3. சாதாரண பயனர்கள் அதை பயன்படுத்துவது குறைவு அல்லது
பயன்படுத்துவதே இல்லை.

4. பெரும்பாலும் போட்டோ trim/cut செய்வதற்குத்தான் கிம்ப்பை பயன்படுத்துகிறார்கள். இப்படிப்பட்ட சாதாரண போட்டோ வேலைகளுக்கு விண்டோஸ் பெயின்ட்பிரஷ் அளவு குறைந்த வசதிகள் உள்ள ஏதாவது ஒரு எளிய சுதந்திர மென்பொருள் போதுமே.

5. சிடியில் இடம் போதவில்லை. அந்த இடத்தில் வேறு மென்பொருள் சேர்த்துக் கொடுக்கலாம். கிம்ப் வேண்டும் என்பவர்கள் பிறகு நிறுவிக்கொள்ளலாமே.

6. கிம்ப் தொழில்முறை பயனர்களுக்குத்தான் சரி. சாதாரண பயனர்களுக்கு அது தேவையே இல்லை.

இப்படி எல்லாம் சொல்லி கிம்ப்பை சேர்ப்பதை நிறுத்தி விட்டார்கள். அதனால் நீங்கள் 10.04 அல்லது அதற்கு அடுத்து  வந்த உபுன்டு பதிப்புகளை புதிதாக நிறுவி பயன்படுத்தினால் அதில் கிம்ப் இருக்காது. நாம்தான் அதை புதிதாக சேர்க்கவேண்டும்.

நாமே கிம்ப்பை நிறுவுவது எப்படி என்பதை அடுத்த பதிவில் பார்ப்போம்.


.

XCF - கிம்ப்பின் ஃபைல் ஃபார்மேட்

அடோப் ஃபோட்டோஷாப்பில் PSD என்ற ஃபைல் ஃபார்மேட் பயன்படுத்துவதுபோல் சுதந்திர கிம்ப்பில் XCF என்ற ஃபைல் ஃபார்மேட் பயன்படுத்தப்படுகிறது (default file format).

லேயர் Information-களையும் XCF சேமித்து வைத்துக்கொள்ளும் (File >Save). பின்னால் மாற்றங்கள் செய்ய வேண்டும் என்றால் இந்த ஃபார்மேட்டில் சேமித்து வைத்துக்கொள்வது நல்லது.

JPEG ஃபார்மேட் வேண்டும் என்றால் (சுதந்திர கிம்ப் வெர்ஷன் 2.7.x-ல்) File > Export > Select File Type ( by extension) >JPEG image செலக்ட் செய்துகொண்டு Export கிளிக் செய்யவும்.

Export image as JPEG என்று இன்னொரு விண்டோ வரும். அதில் மறுபடியும் Export பட்டனை கிளிக் செய்தால் போதும்.

JPEG கிடைத்துவிடும்.

கிம்ப் (GIMP) பாடங்கள் - ஃபோட்டோஷாப் பிரியர்களுக்காக!

கிம்ப் (GIMP - GNU Image Manipulation Program ) என்பது ஃபோட்டோஷாப் போன்ற ஒரு சுதந்திர மென்பொருள்.

இது Raster graphics editor வகை மென்பொருள்.

விண்டோஸ், லினக்ஸ், மேக் ஓஸ் மூன்றிலும் கிடைக்கிறது. மூன்றிலும் ஒரே மாதிரிதான் செயல்பாடு இருக்கும். அதனால் இதை விண்டோசில் பழகிவிட்டு எதிர்காலத்தில் லினக்ஸ் வெர்ஷனுக்கு மாறிக்கொள்ளலாம்.

முதலிலேயே சொல்லிக்கொள்கிறேன். இதில்  ஃபோட்டோஷாப்
அளவுக்கு வசதிகள் கிடையாது. இருந்தாலும் இருக்கும் வசதிகளை
இலவசமாக அனுபவிக்கலாம்.

சுட்டி http://www.gimp.org/

விண்டோசுக்கான செயலி பெற http://gimp-win.sourceforge.net/stable.html
கோப்பின் அளவு (File Size) 20 MB-தான்.

உபுன்டுவில் இருப்பவர்கள் Application>Graphics மெனுவில் இருக்கிறதா என்று பார்க்கவும். இல்லாவிட்டால் Application > Ubuntu Software Center போய் நிறுவிக்கொள்ளலாம்.

லினக்சுக்கு பெங்குவின் Tux என்ற பெயரில் சின்னமாக இருப்பதுபோல் கிம்புக்கு "வில்பர்" சின்னமாக இருக்கிறது.

மற்றவை அடுத்தடுத்த பதிவுகளில்.